హిందూ సంప్రదాయంలో రమా ఏకాదశి విశిష్టత: ఆచరించే విధానంపై పండితుల స్పష్టత
రిపోర్టర్: విజయ్
స్థలం: హైదరాబాద్
హిందూ సంప్రదాయంలో అత్యంత పవిత్రమైన ఆశ్వయుజ బహుళ ఏకాదశిని రమా ఏకాదశిగా పిలుస్తారని పండితులు తెలిపారు. ఈ పవిత్ర రోజున శ్రీమహావిష్ణువుతో పాటు లక్ష్మీదేవిని భక్తిశ్రద్ధలతో పూజిస్తే అష్టైశ్వర్యాలు కలుగుతాయని పురాణాలు చెబుతున్నాయని వారు పేర్కొన్నారు. సూర్యోదయంతో నిద్రలేచి ఉపవాస దీక్ష చేపట్టి, నిష్టతో పూజలు ఆచరించాలని సూచించారు. ఈ వ్రతం ఆచరించడం వల్ల సమస్త పాపాలు నశించి, మరణానంతరం సద్గతులు ప్రాప్తిస్తాయని ఆధ్యాత్మిక వేత్తలు వెల్లడించారు.