శ్రీకాకుళంలో ఉప్పొంగుతున్న నదులు లోతట్టు ప్రాంతాల ప్రజలకు అధికారుల హెచ్చరిక
రిపోర్టర్: విజయ్
స్థలం: శ్రీకాకుళం
బంగాళాఖాతంలో ఏర్పడిన తీవ్ర వాయుగుండం ప్రభావంతో శ్రీకాకుళం జిల్లాలోని నాగావళి, వంశధార, బాహుద నదులు ఉగ్రరూపం దాల్చాయి. భారీ వరద నీరు పోటెత్తడంతో నదీ పరివాహక, లోతట్టు ప్రాంతాల ప్రజలు వెంటనే సురక్షిత ప్రాంతాలకు తరలివెళ్లాలని జిల్లా కలెక్టర్ హెచ్చరించారు. ప్రాజెక్టుల గేట్లు ఎత్తివేసి నీటిని సముద్రంలోకి వదులుతుండగా, రెవెన్యూ, పోలీస్, విపత్తు నిర్వహణ బృందాలు సహాయక చర్యలు పర్యవేక్షిస్తున్నాయి.