కర్ణాటక పబ్లిక్ సర్వీస్ కమిషన్ రద్దును పరిశీలిస్తున్న ప్రభుత్వం
రిపోర్టర్: వెంకట్
స్థలం: బెంగళూరు
కర్ణాటక పబ్లిక్ సర్వీస్ కమిషన్ రిక్రూట్‌మెంట్ అక్రమాల కేసులో సస్పెండ్ అయిన ఐఏఎస్ అధికారి జ్ఞానేంద్ర కుమార్ గంగ్వార్‌ను ఆరు రోజుల పాటు ఈడీ కస్టడీకి కోర్టు అనుమతించింది. వెటర్నరీ ఆఫీసర్ ప్రశ్నపత్రం లీకేజీ కుట్రలో బసవరాజ్ కన్నాలేతో కలిసి గంగ్వార్ అక్రమాలకు పాల్పడినట్లు ఎన్‌ఫోర్స్‌మెంట్ డైరెక్టరేట్ ఆరోపించింది. ఈ భారీ అక్రమాల నేపథ్యంలో కేపీఎస్‌సీని పూర్తిగా రద్దు చేసే దిశగా రాష్ట్ర ప్రభుత్వం చట్టపరమైన చర్యలను పరిశీలిస్తోందని ఉప ముఖ్యమంత్రి డీకే శివకుమార్ స్పష్టం చేశారు.