కుప్పం మున్సిపాలిటీ కౌంటింగ్ కేంద్రం వద్ద ఉద్రిక్తత: వైసీపీ అభ్యర్థుల ఆందోళన
రిపోర్టర్: విజయ్
స్థలం: చిత్తూరు
చిత్తూరు జిల్లాలోని కుప్పం మున్సిపాలిటీ ఓట్ల లెక్కింపు కేంద్రం వద్ద తీవ్ర ఉద్రిక్త పరిస్థితులు నెలకొన్నాయి. కౌంటింగ్ ప్రక్రియలో భాగంగా మూడు, ఏడు, ఎనిమిదో వార్డులలో వైఎస్సార్ కాంగ్రెస్ పార్టీ అభ్యర్థులు ఆధిక్యంలో ఉన్న సమయంలో గందరగోళం చోటుచేసుకుందని పోలీసులు తెలిపారు. లెక్కింపు పారదర్శకంగా జరగడం లేదని ఆరోపిస్తూ వైసీపీ అభ్యర్థులు, కౌంటింగ్ ఏజెంట్లు ఆందోళనకు దిగడంతో పోలీసులు లాఠీఛార్జ్ చేశారు. ఈ ఘటనతో కేంద్రం వెలుపల తీవ్ర తొక్కిసలాట, ఉద్రిక్త వాతావరణం ఏర్పడిందని అధికారులు వెల్లడించారు.