భూముల రీ సర్వే పక్కాగా చేపట్టాలని కలెక్టర్ హుకుం

రిపోర్టర్: R.RAVINDER స్థలం: మంచిర్యాల 2026-11-05

ప్రభుత్వం ప్రతిష్టాత్మకంగా చేపట్టిన భూముల రీ సర్వే ప్రక్రియను పకడ్బందీగా నిర్వహించాలని జిల్లా కలెక్టర్ కుమార్ దీపక్ అధికారులను ఆదేశించారు. మంచిర్యాల కలెక్టరేట్ లో సర్వేయర్లకు జిఎన్ఎస్ఎస్ రోవర్లను పంపిణీ చేసిన ఆయన, సర్వేపై రైతులకు ముందస్తు సమాచారం అందించాలని సూచించారు. ఈ రీ సర్వే ద్వారా భవిష్యత్తులో భూ వివాదాలకు ఆస్కారం ఉండదని, పారదర్శకమైన రికార్డులు అందుబాటులోకి వస్తాయని ఆయన స్పష్టం చేశారు. ఈ కార్యక్రమంలో అదనపు కలెక్టర్ రాములు పాల్గొన్నారు.