వాహన రిజిస్ట్రేషన్ ఇక 24 గంటల్లోనే పూర్తి: కొత్త విధానం
రిపోర్టర్: భాస్కర్
స్థలం: నెల్లూరు
వాహన రిజిస్ట్రేషన్ ప్రక్రియను ప్రభుత్వం పూర్తిగా డిజిటలైజ్ చేసింది. ఇకపై వాహనదారులు రవాణా కార్యాలయాల చుట్టూ తిరగాల్సిన అవసరం లేదు. డీలర్ స్థాయిలోనే పత్రాలను ఆన్‌లైన్‌లో సమర్పిస్తే, అధికారులు 24 గంటల్లోనే నంబరు కేటాయిస్తారు. జాప్యం జరిగితే ఆటోమేటిక్ అలర్ట్ వెళ్తుంది. దళారుల ప్రమేయం లేకుండా, పారదర్శకంగా రిజిస్ట్రేషన్లు పూర్తి చేసేలా ఈ కొత్త విధానాన్ని అమలులోకి తెచ్చారు. వాహనదారులు, డీలర్లు ఈ నిర్ణయంపై హర్షం వ్యక్తం చేస్తున్నారు.