ఏడు రోజుల్లోనే పాస్పోర్ట్ పునరుద్ధరణపై చరణ్య కన్నన్ హర్షం
రిపోర్టర్: సతీష్
స్థలం: తెలంగాణ
అమెరికాలోని శాన్ ఫ్రాన్సిస్కో భారత రాయబార కార్యాలయం ద్వారా కేవలం ఏడు రోజుల్లోనే తన పాస్పోర్ట్ పునరుద్ధరణ పూర్తయిందని చరణ్య కన్నన్ ఎక్స్ వేదికగా వెల్లడించారు. భారతదేశంలోని తన నివాసంలో పోలీసు వెరిఫికేషన్ కూడా చాలా వేగంగా జరిగిందని ఆమె తెలిపారు. మునుపటిలా అధికారులకు ఎలాంటి లంచాలు ఇవ్వాల్సిన అవసరం రాలేదని, ప్రస్తుత ప్రభుత్వ హయాంలో సేవలందించే తీరు ఎంతో మెరుగ్గా మారిందని ఆమె ప్రశంసించారు.