ఆరోగ్యంగా ఉన్నామనుకోవడం భ్రమే: డాక్టర్ శాలిని మిట్టల్ కీలక హెచ్చరిక
రిపోర్టర్: నరేష్
స్థలం: New Delhi
శరీరం లోపల ఆరోగ్యంగా ఉన్నట్లు అనిపించినప్పటికీ అనారోగ్య సమస్యలు నిశ్శబ్దంగా అభివృద్ధి చెందుతాయని మేరెంగో ఆసియా హాస్పిటల్స్ క్లినికల్ డైరెక్టర్ డాక్టర్ శాలిని మిట్టల్ వెల్లడించారు. ఎటువంటి లక్షణాలు కనిపించకుండానే బీపీ, మధుమేహం వంటి ప్రాణాంతక వ్యాధులు ముంచుకొస్తాయని ఆమె తెలిపారు. వ్యాధుల ముందస్తు గుర్తింపునకు క్రమం తప్పకుండా వైద్య పరీక్షలు చేయించుకోవడం ఎంతైనా అవసరమని, వయస్సు, కుటుంబ ఆరోగ్య చరిత్ర ఆధారంగా సరైన స్క్రీనింగ్ పరీక్షలను ఎంచుకోవాలని నిపుణులు స్పష్టం చేస్తున్నారు.