ట్రాఫిక్ నిబంధనల ఉల్లంఘనలపై రెండు వందల డెబ్బై లైసెన్సులు రద్దు
రిపోర్టర్: ప్రసాద్
స్థలం: హైదరాబాద్
నిబంధనలు అతిక్రమించి వాహనాలు నడుపుతున్న వారిపై ఆర్టీఏ అధికారులు కఠిన చర్యలు తీసుకుంటున్నారని రవాణా శాఖ అధికారులు వెల్లడించారు. గడిచిన తొమ్మిది నెలల్లో వచ్చిన సిఫారసుల ఆధారంగా నగరంలో రెండు వందల డెబ్బై డ్రైవింగ్ లైసెన్సులను రద్దు చేసినట్లు అధికారులు తెలిపారు. మద్యం తాగి వాహనాలు నడిపేవారు మరియు నిర్లక్ష్యంగా డ్రైవింగ్ చేసేవారిపై ప్రత్యేక నిఘా ఉంచామని, నిబంధనలు పునరావృతం చేస్తే చట్టపరమైన కఠిన చర్యలు ఉంటాయని హెచ్చరించారు.