హర్యానాలో మహిళపై గన్ గురిపెట్టి చెవిపోగులు ఎత్తుకెళ్లిన దుండగులు
రిపోర్టర్: గోపి
స్థలం: కురుక్షేత్ర
హర్యానాలోని కురుక్షేత్ర జిల్లా అంబాలా-హిసార్ జాతీయ రహదారిపై పిల్లలతో కలిసి వెళ్తున్న బేంత్ కౌర్ అనే మహిళపై ముగ్గురు ముసుగుధారులు పిస్తోల్ గురిపెట్టి దాడి చేశారు. గంగాహెరి గ్రామం వద్ద బస్సు దిగి నడుచుకుంటూ వెళ్తుండగా బైక్‌పై వచ్చిన దొంగలు ఆమె ఒక చెవిపోగును లాక్కెళ్లారు. ప్రతిఘటించడంతో చెవికి గాయమై రక్తస్రావం అయ్యింది. బాధితురాలి ఫిర్యాదు మేరకు ఇస్మాయిలాబాద్ పోలీసులు కేసు నమోదు చేసి గాలింపు చర్యలు చేపట్టారు.