ఆసియా క్రీడల ఫైనల్ పోరులోకి దూసుకెళ్లిన భారత మహిళల హాకీ జట్టు
రిపోర్టర్: నరేష్
స్థలం: న్యూఢిల్లీ
దక్షిణ కొరియాతో జరిగిన ఆసియా క్రీడల సెమీఫైనల్ పోరులో భారత మహిళల హాకీ జట్టు రెండు సున్నా తేడాతో విజయం సాధించిందని క్రీడా వర్గాలు వెల్లడించాయి. ఈ మ్యాచ్లో ఇషిక, సలీమా టేటే గోల్స్ సాధించి భారత్ను విజయతీరాలకు చేర్చారు. ఈ గెలుపుతో భారత జట్టు రజత పతకాన్ని ఖాయం చేసుకోవడంతో పాటు నలభై నాలుగు ఏళ్ల తర్వాత స్వర్ణ పతకం సాధించే సువర్ణావకాశాన్ని దక్కించుకుంది. ఇక అక్టోబర్ రెండున జరిగే తుది పోరులో చైనా జట్టుతో భారత్ తలపడనుంది.