వైసీపీ నేతల బెదిరింపు రాజకీయాలపై పొలిట్బ్యూరో సభ్యులు వర్ల రామయ్య తీవ్ర ఆగ్రహం
రిపోర్టర్: గోపి
స్థలం: అమరావతి
వైసీపీ నేతలు అత్యంత అభ్యంతరకరమైన, అసభ్యకరమైన భాషను ఉపయోగిస్తూ ప్రత్యర్థులను, అధికారులను బహిరంగంగా బెదిరింపులకు గురిచేస్తున్నారని తెలుగుదేశం పార్టీ పొలిట్బ్యూరో సభ్యులు వర్ల రామయ్య ఆందోళన వ్యక్తం చేశారు. స్థానిక సంస్థల ఎన్నికల్లో వైసీపీ నేతలు పాల్పడుతున్న అరాచకాలపై ఆయన తీవ్రస్థాయిలో ధ్వజమెత్తారు. రాబోయే కాలంలో ప్రత్యర్థులను చంపేస్తామని, వారికి నరకం చూపిస్తామంటూ హెచ్చరికలు జారీ చేయడం వెనుక ఉన్న దుర్బుద్ధిని ఆయన తీవ్రంగా ఖండించారు. బాధ్యతాయుతమైన రాజకీయాల్లో ఉండాల్సిన కనీస సంస్కృతి, సంప్రదాయాలను ఆ పార్టీ నేతలు పూర్తిగా విస్మరించారని విమర్శించారు.