వీరఘట్టం ఆలయంలో ఘనంగా దసరా ఉత్సవాలు: భవాని దీక్షలు స్వీకరించిన భక్తులు
రిపోర్టర్: గోపి
స్థలం: వీరఘట్టం
పార్వతీపురం మన్యం జిల్లా వీరఘట్టం కోట దుర్గా దేవి ఆలయంలో దసరా శరన్నవరాత్రి ఉత్సవాలు ఆదివారం వైభవంగా ప్రారంభమయ్యాయి. ప్రముఖ యజ్ఞకర్త శర్మయాజి ఆధ్వర్యంలో రెండు వందల యాభై ఆరుగురు భక్తులు భవాని మాత దీక్షలు స్వీకరించినట్లు ఆలయ నిర్వాహకులు తెలిపారు. ఈ వేడుకల్లో భాగంగా మహిళలు పెద్ద సంఖ్యలో పాల్గొని అమ్మవారికి ప్రత్యేక కుంకుమార్చనలు నిర్వహించారు. భక్తులతో ఆలయ ప్రాంగణం ఆధ్యాత్మిక శోభను సంతరించుకుంది.