స్వయం నిర్ణయాధికారమే సర్వోపరి: వయోజనుల స్వేచ్ఛపై అలహాబాద్ హైకోర్టు కీలక తీర్పు
రిపోర్టర్: కృష్ణ
స్థలం: అలహాబాద్
మేజర్ అయిన వ్యక్తి ఎక్కడ నివసించాలనే అంశంపై స్వయం నిర్ణయాధికారం ఉంటుందని అలహాబాద్ హైకోర్టు స్పష్టం చేసింది. వయోజనుల వ్యక్తిగత స్వేచ్ఛను కుటుంబ సంబంధాల పేరుతో పరిమితం చేయడం సాధ్యం కాదని న్యాయస్థానం తేల్చిచెప్పింది. ఢిల్లీలో స్వతంత్రంగా జీవిస్తున్న 25 ఏళ్ల పూజ అనే యువతి ఉదంతంలో ఆమె అభిప్రాయాన్ని పరిగణనలోకి తీసుకున్న కోర్టు, హెబియస్ కార్పస్ రిట్ వర్తించదని స్పష్టం చేసినట్లు న్యాయవర్గాలు వెల్లడించాయి.