యాదాద్రి క్షేత్రంలో ఘనంగా రామలింగేశ్వరునికి రుద్రాభిషేకం: భక్తుల మొక్కులు

రిపోర్టర్: P.srinu స్థలం: భువనగిరి 2026-10-05

యాదాద్రి శ్రీ లక్ష్మీ నరసింహస్వామి కొండపై పర్వతవర్ధని సమేత రామలింగేశ్వర స్వామికి సోమవారం సందర్భంగా మహాన్యాస పూర్వక రుద్రాభిషేకం నిర్వహించారు. ప్రభాతవేళలో పరమశివుడిని కొలుస్తూ జరిగిన అభిషేకంలో భక్తులు మమేకమయ్యారు. ఆవు పాలు, పంచామృతాలతో అభిషేకించి, విభూతితో ప్రత్యేకంగా అలంకరించి అర్చించారు. ఈ పవిత్ర పూజా కార్యక్రమంలో భారీ సంఖ్యలో భక్తులు పాల్గొని తమ మొక్కులు చెల్లించుకున్నారు.