మంత్రివర్గ విస్తరణలో యాదవులకు ప్రాధాన్యత ఇవ్వాలి: డా. శివ ప్రసాద్

రిపోర్టర్: Alfa News Desk స్థలం: మలక్ పేట 2026-09-06

హైదరాబాద్: రాబోయే మంత్రివర్గ విస్తరణలో యాదవ సామాజిక వర్గానికి తగిన ప్రాతినిధ్యం కల్పిస్తూ, కనీసం ఒకరికి మంత్రి పదవి ఇవ్వాలని డా. చినుకని శివ ప్రసాద్ డిమాండ్ చేశారు. రాష్ట్ర జనాభాలో గణనీయమైన భాగంగా ఉన్న యాదవులకు పాలనలో భాగస్వామ్యం కల్పించడం సామాజిక న్యాయమని ఆయన స్పష్టం చేశారు.

ప్రజాస్వామ్యంలో ప్రతి సామాజిక వర్గానికి సముచిత అవకాశాలు లభించినప్పుడే సమగ్ర అభివృద్ధి సాధ్యమవుతుందని ఆయన పేర్కొన్నారు. యాదవుల రాజకీయ ప్రాధాన్యతను గుర్తించి, అర్హత మరియు ప్రజా సేవ ప్రాతిపదికన మంత్రి పదవి కేటాయించాలని కోరారు. ఈ విషయంలో ప్రభుత్వం సానుకూల నిర్ణయం తీసుకుంటుందని ఆశిస్తున్నట్లు తెలిపారు.