ప్రాణాలు బలిగొన్న చిల్లర గొడవ: కండక్టర్ ప్రవళిక దుర్మరణం

రిపోర్టర్: కిరణ్ స్థలం: భద్రాద్రి కొత్తగూడెం 2026-11-04

చిల్లర విషయంలో తలెత్తిన వివాదంలో ప్రయాణికురాలు బస్సులో నుంచి నెట్టివేయడంతో తీవ్రంగా గాయపడిన మణుగూరు డిపో కండక్టర్ ప్రవళిక చికిత్స పొందుతూ మంగళవారం కన్నుమూసినట్లు మంత్రి పొన్నం ప్రభాకర్ వెల్లడించారు. భద్రాద్రి కొత్తగూడెం జిల్లా అశ్వాపురంలో గత నెల 25న ఈ ప్రమాదం జరిగిందని, ఆమె మృతి ఆర్టీసీలో తీవ్ర విషాదం నింపిందని ఆయన ఆవేదన వ్యక్తం చేశారు. ప్రవళిక కుటుంబానికి ప్రభుత్వం అన్ని విధాలా అండగా ఉంటుందని, బాధ్యులపై కఠిన చర్యలు తీసుకుంటామని మంత్రి స్పష్టం చేశారు.