దిగ్గజ పారిశ్రామికవేత్త కన్నుమూత: ఎన్సీసీ వ్యవస్థాపకులు ఏవీఎస్ రాజు మృతి
రిపోర్టర్: మహేష్
స్థలం: హైదరాబాద్
దేశ మౌలిక సదుపాయాల రంగంపై చెరగని ముద్ర వేసిన ప్రముఖ పారిశ్రామికవేత్త, ఎన్సీసీ లిమిటెడ్ వ్యవస్థాపకులు డాక్టర్ అల్లూరి వెంకట సత్యనారాయణ రాజు హైదరాబాద్లోని ప్రైవేటు ఆసుపత్రిలో కన్నుమూశారని కంపెనీ వర్గాలు వెల్లడించాయి. ఆయన మంగళవారం రాత్రి ఏడు గంటల పదిహేను నిమిషాలకు తుదిశ్వాస విడిచారని అధికారులు తెలిపారు. కేవలం వ్యాపార రంగానికే కాకుండా దాతృత్వానికి, సాహిత్యానికి ఆయన చేసిన సేవలు చిరస్మరణీయమని సహచరులు పేర్కొన్నారు.