నెల్లూరులో కలకలం: ఓటర్లను ప్రలోభపెట్టేందుకు ఉచితంగా కిలో చికెన్ టోకెన్ల పంపిణీ
రిపోర్టర్: శ్రీనివాస్
స్థలం: నెల్లూరు
నెల్లూరు కార్పొరేషన్ పరిధిలో మున్సిపల్ ఎన్నికల వేళ ఓటర్లను ప్రలోభపెట్టేందుకు అభ్యర్థులు వినూత్న ప్రయోగాలు చేస్తున్నారని పోలీసులు తెలిపారు. ఓ రాజకీయ పార్టీకి చెందిన అభ్యర్థి ఓటర్ స్లిప్పులతో పాటు ప్రత్యేకంగా ఒక కేజీ చికెన్ ఉచితంగా ఇచ్చే టోకెన్లను ఇంటింటికీ పంపిణీ చేశారని అధికారులు వెల్లడించారు. ఈ విషయం తెలిసి చికెన్ షాప్ వద్ద ఓటర్లు భారీగా బారులు తీరడంతో తోపులాట జరిగిందని, వెంటనే రంగంలోకి దిగిన పోలీసులు ఆ షాప్ను మూసివేయించి అభ్యర్థిపై కేసు నమోదు చేశారని పేర్కొన్నారు.