ఉత్తరప్రదేశ్‌లో నకిలీ ఫాస్టాగ్‌ల రాకెట్ గుట్టురట్టు చేసిన ఎస్టీఎఫ్
రిపోర్టర్: హరి
స్థలం: లక్నో
ఉత్తరప్రదేశ్‌లో టోల్ ట్యాక్స్ ఎగవేతకు పాల్పడుతున్న నకిలీ ఫాస్టాగ్‌ల రాకెట్‌ను ఎస్టీఎఫ్ పోలీసులు భగ్నం చేశారు. లక్నో పరిధిలోని మడియావ్ ప్రాంతంలో సీతాపూర్ జిల్లాకు చెందిన ప్రధాన నిందితుడు మనీశ్‌ను అరెస్టు చేశారు. ఓవర్‌లోడ్ వాహనాలపై ఆన్‌లైన్ చలాన్లు, టోల్ రుసుం నుంచి తప్పించుకునేందుకు నకిలీ రిజిస్ట్రేషన్ నంబర్లతో నకిలీ ఫాస్టాగ్‌లను ఉపయోగిస్తున్నట్లు పోలీసులు గుర్తించారు. ఈ ముఠా అక్రమాల వల్ల ప్రభుత్వానికి కోట్ల రూపాయల ఆదాయానికి గండి పడినట్లు అధికారులు తెలిపారు.