కొత్తవలసలో భారీ వర్షాల బీభత్సం: చెరువుకు గండిపడి జలమయమైన రహదారులు
రిపోర్టర్: కృష్ణ
స్థలం: కొత్తవలస
విజయనగరం జిల్లా కొత్తవలసలో ఎడతెరిపి లేకుండా కురుస్తున్న భారీ వర్షాలకు జనజీవనం పూర్తిగా స్తంభించిపోయిందని స్థానిక అధికారులు తెలిపారు. మంగళవారం ఉదయం నుంచి బుధవారం ఉదయం వరకు ఏకంగా ముప్పై ఒక సెంటీమీటర్ల వర్షపాతం నమోదైందని అధికారులు వెల్లడించారు. ప్రధాన రహదారులు చెరువులను తలపిస్తుండటంతో రాకపోకలను నిలిపివేశారు. అడ్డానపాలెం సమీపంలో ఓ చెరువుకు గండి పడటంతో ప్రజలు తీవ్ర ఇబ్బందులు పడుతున్నారు. రెవెన్యూ సిబ్బంది సహాయక చర్యలు చేపట్టారు.