శ్రీవారి ఆలయాల నిర్మాణానికి నిధులు: కూటమి ప్రభుత్వం చారిత్రాత్మక నిర్ణయం
రిపోర్టర్: రమేష్
స్థలం: శ్రీ పొట్టి శ్రీరాములు నెల్లూరు
రాష్ట్రంలోని నూట డెబ్బై ఐదు నియోజకవర్గాలలో శ్రీ వేంకటేశ్వర స్వామి ఆలయాల నిర్మాణానికి కూటమి ప్రభుత్వం చారిత్రాత్మక నిర్ణయం తీసుకుందని ఆనం రామనారాయణ రెడ్డి వెల్లడించారు. ఇందులో భాగంగా ప్రతి నియోజకవర్గంలోనూ అయిదు కోట్ల నుండి పది కోట్ల రూపాయల వరకు భారీ నిధులను కేటాయించి, ఈ పవిత్రాలయాలను అత్యంత వైభవంగా నిర్మించనున్నట్లు తెలిపారు. భక్తుల ఆధ్యాత్మిక ఆకాంక్షలను నెరవేర్చే దిశగా ప్రభుత్వం చేపట్టిన ఈ కీలక నిర్ణయంపై సర్వత్రా హర్షం వ్యక్తమవుతోందని ఆయన పేర్కొన్నారు.