వంట నూనెల ధరలను వెంటనే తగ్గించాలంటూ కంపెనీలకు కేంద్ర ఆదేశం
రిపోర్టర్: సతీష్
స్థలం: న్యూఢిల్లీ
దేశంలో పెరుగుతున్న ద్రవ్యోల్బణాన్ని అడ్డుకునేందుకు వంట నూనెలపై ప్రాథమిక కస్టమ్స్ సుంకాన్ని కేంద్ర ప్రభుత్వం గణనీయంగా తగ్గించింది. దిగుమతి ఖర్చులు తగ్గడం ద్వారా లభించిన లబ్ధిని తక్షణమే వినియోగదారులకు బదిలీ చేయాలని తయారీ, ప్రాసెసింగ్ కంపెనీలను కేంద్రం ఆదేశించింది. మార్కెట్లో హోల్సేల్ విక్రయ రేట్లతో పాటు ప్యాకెట్లపై ఉండే గరిష్ట రిటైల్ ధరను వెంటనే సవరించి తగ్గించాలని స్పష్టం చేసింది. నిత్యావసర వస్తువుల ధరల భారం నుంచి సామాన్యులకు ఉపశమనం కలిగించేలా ప్రభుత్వం ఈ చర్యలు తీసుకుంది.