నవాబ్పేట్ పాఠశాలలో అంగన్వాడీ సేవలను కొనియాడిన ఎంపీ డి.కె. అరుణ
రిపోర్టర్: నరేష్
స్థలం: మహబూబ్ నగర్
సేవా సంకల్ప్ అభియాన్ కార్యక్రమంలో భాగంగా నవాబ్పేట్ జెడ్పీహెచ్ఎస్ పాఠశాలలో నిర్వహించిన అంగన్ మిలన్ సేవ కార్యక్రమంలో మహబూబ్ నగర్ ఎంపీ డి.కె. అరుణ పాల్గొని ప్రసంగించారు. ప్రజారోగ్యం కోసం అంకితభావంతో నిరంతరం శ్రమిస్తున్న అంగన్వాడీ టీచర్లు మరియు ఆశా వర్కర్లను ఈ సందర్భంగా ఆమె ఘనంగా సన్మానించారు. అనంతరం కేంద్ర ప్రభుత్వ సంక్షేమ పథకాల ఆవశ్యకతపై స్థానిక ప్రజలకు, సిబ్బందికి అవగాహన కల్పించారు. సమాజ శ్రేయస్సే ధ్యేయంగా కేంద్ర ప్రభుత్వం అమలు చేస్తున్న వివిధ సంక్షేమ కార్యక్రమాలను అర్హులందరికీ చేరవేయాలని ఆమె ఈ వేదికగా పిలుపునిచ్చారు.