లక్షలాది కుటుంబాలకు తీపి కబురు: కొత్తగా చేయూత పింఛన్ల పంపిణీ
రిపోర్టర్: రాము
స్థలం: తెలంగాణ
రాష్ట్రంలోని పేద కుటుంబాలకు ఆర్థిక భరోసా కల్పించే లక్ష్యంతో ప్రభుత్వం కీలక నిర్ణయం తీసుకున్నట్లు మంత్రి సీతక్క వెల్లడించారు. దీపావళి పండుగ వేళ రాష్ట్రవ్యాప్తంగా నూతనంగా నాలుగున్నర లక్షల మంది అర్హులైన లబ్ధిదారులకు చేయూత పింఛన్లు మంజూరు చేయనున్నట్లు ఆమె ప్రకటించారు. కొడంగల్ నియోజకవర్గంలో ముఖ్యమంత్రి రేవంత్ రెడ్డి చేతుల మీదుగా ఆదివారం ఈ పింఛన్ల పంపిణీ కార్యక్రమం ప్రారంభం కానుందని తెలిపారు. కొత్తగా లబ్ధిదారులైన వితంతువులు, దివ్యాంగులు, చేనేత మరియు గీత కార్మికులకు ఈ నెల నుంచే నగదు చెల్లింపులు ప్రారంభమవుతాయని ఆమె స్పష్టం చేశారు.