జండా బాలాజీ ఆలయ హుండీ ఆదాయం రూ.6.87 లక్షలని వెల్లడి

రిపోర్టర్: Alfa News Desk స్థలం: నిజామాబాద్ రూరల్ 2026-09-30

నిజామాబాద్లోని ప్రముఖ శ్రీ జండా బాలాజీ దేవస్థానంలో మంగళవారం హుండీ ఆదాయం లెక్కింపును అధికారులు పారదర్శకంగా నిర్వహించారు. భక్తులు సమర్పించిన కానుకల ద్వారా నోట్ల రూపంలో రూ.6,01,740, నాణేల రూపంలో రూ.85,461 కలిపి మొత్తం రూ.6,87,201 ఆదాయం లభించింది. వీటితో పాటు 7 గ్రాముల మిశ్రమ బంగారం, 485 గ్రాముల మిశ్రమ వెండి కానుకలుగా వచ్చినట్లు వెల్లడించారు. దేవాదాయ శాఖ పరిశీలకులు ఆర్. సుజాత రెడ్డి, ఈవో ఎస్. ఆంజనేయులు సమక్షంలో అర్చకులు, సిబ్బంది మరియు భక్తులు లెక్కింపులో పాల్గొన్నారు.