యూపీఐ ఎండీఆర్ నిబంధనలపై స్పష్టతనిచ్చిన ఎన్‌పీసీఐ సీఈవో దిలీప్ అస్బే
రిపోర్టర్: రాజేష్
స్థలం: హైదరాబాద్
రూ.2,000కు మించిన యూపీఐ లావాదేవీలపై మర్చంట్ డిస్కౌంట్ రేట్ కొత్త నిబంధన వల్ల చిన్న వ్యాపారులపై ఎలాంటి అదనపు భారం పడదని ఎన్‌పీసీఐ ఎండీ, సీఈవో దిలీప్ అస్బే స్పష్టం చేశారు. దేశంలోని దాదాపు 75 శాతం మంది చిన్న వ్యాపారులు ఇప్పటివరకు రూ.2,000కు మించిన లావాదేవీలను పెద్దగా నిర్వహించలేదని ఎన్‌పీసీఐ లెక్కలు స్పష్టం చేస్తున్నాయి. ఈ కొత్త నిబంధన ప్రభావం ప్రధానంగా అధిక లావాదేవీలు జరిపే పెద్ద వ్యాపార సంస్థలపైనే ఉంటుందని ఆయన వెల్లడించారు.