రాష్ట్రస్థాయి నృత్య పోటీలకు ఎంపికైన దస్తురాబాద్ పాఠశాల విద్యార్థినులు

రిపోర్టర్: Alfa News Desk స్థలం: దస్తురాబాద్ 2026-09-23

నిర్మల్ జిల్లా కేంద్రంలో జరిగిన యువ టూరిజం క్లబ్ నృత్య పోటీల్లో దస్తురాబాద్ జిల్లా పరిషత్ పాఠశాల విద్యార్థినులు సత్తా చాటారు. జిల్లా స్థాయిలో ద్వితీయ స్థానాన్ని కైవసం చేసుకుని రాష్ట్రస్థాయి పోటీలకు అర్హత సాధించారు. విద్యార్థినుల అద్భుతమైన ప్రదర్శనపై పాఠశాల ఉపాధ్యాయులు, గ్రామస్తులు హర్షం వ్యక్తం చేశారు. ఈ విజయం మండలంలోని ఇతర విద్యార్థులకు స్ఫూర్తిదాయకమని, రాష్ట్రస్థాయిలోనూ వారు రాణించాలని ఆకాంక్షించారు. విద్యార్థినుల కృషిని పాఠశాల యాజమాన్యం ప్రత్యేకంగా అభినందించింది.