పెద్దలకు గుడ్ న్యూస్: కొత్త చేయూత పింఛన్ల మంజూరుపై ప్రభుత్వం కీలక కసరత్తు
రిపోర్టర్: నరేష్
స్థలం: హైదరాబాద్
కొత్త చేయూత పింఛన్ల కోసం రాష్ట్రవ్యాప్తంగా పేద ప్రజలు తీవ్రంగా ఎదురుచూడాల్సి వస్తోందని పంచాయతీరాజ్ శాఖ అధికారులు తెలిపారు. వివిధ కేటగిరీల కింద దాదాపు ఐదు లక్షల తొంబై ఎనిమిది వేల దరఖాస్తులు అందగా, రీవెరిఫికేషన్ ప్రక్రియ కారణంగా వడపోత ఆలస్యమవుతోందని వారు పేర్కొన్నారు. సుమారు నాలుగు లక్షల వరకు పింఛన్లు అందించేలా కసరత్తు జరుగుతున్నప్పటికీ, పంపిణీ తేదీలపై మాత్రం ఇంకా స్పష్టత కొరవడిందని అధికారులు స్పష్టం చేశారు.