ప్లాట్ల పేరుతో వంద కోట్ల మోసం: బాధితుల ఆందోళన
రిపోర్టర్: భాస్కర్
స్థలం: రాజాపేట
రాజాపేట మండలం చల్లూరులో ప్లాట్లు కొనుగోలు చేసి మోసపోయామని బాధితులు ఆవేదన వ్యక్తం చేసినట్లు స్థానికులు తెలిపారు. శ్రీ కన్స్ట్రక్షన్స్ డెవలపర్స్ పేరుతో సుమారు వంద కోట్ల రూపాయలు వసూలు చేసి ప్లాట్లు అప్పగించలేదని లబ్ధిదారులు వాపోయారు. డీటీసీపీ అధికారులు లేఅవుట్ రద్దు చేసినప్పటికీ నిర్వాహకులు బెదిరింపులకు పాల్పడుతున్నారని చెప్పారు. తమకు న్యాయం జరిగే వరకు ఆందోళన కొనసాగిస్తామని బాధితులు స్పష్టం చేశారు.