బ్యాంకు ఉద్యోగుల మూడు రోజుల సమ్మె తాత్కాలిక వాయిదా
రిపోర్టర్: విజయ్
స్థలం: న్యూఢిల్లీ
ఇండియన్ బ్యాంక్స్ అసోసియేషన్తో జరిగిన చర్చలు ఫలించడంతో బ్యాంకు ఉద్యోగుల మూడు రోజుల దేశవ్యాప్త సమ్మెను తాత్కాలికంగా వాయిదా వేస్తున్నట్లు యునైటెడ్ ఫోరమ్ ఆఫ్ బ్యాంక్ యూనియన్స్ ప్రకటించింది. శనివారాలను సెలవులుగా ప్రకటించే అంశాన్ని పరిశీలించేందుకు సంయుక్త కమిటీని ఏర్పాటు చేయాలని నిర్ణయించినట్లు ఆ సంఘం తెలిపింది. ఈ సమ్మె వాయిదా పడటంతో బ్యాంకు సేవలు యథావిధిగా కొనసాగుతాయని కస్టమర్లకు ఊరట లభించిందని అధికారులు వెల్లడించారు.