టీచర్లపై దాడికి యత్నించిన వారిలో రౌడీషీటర్లున్నారన్న తెలుగుదేశం పార్టీ
రిపోర్టర్: కృష్ణ
స్థలం: అమరావతి
టీచర్లపై దాడులు చేసేందుకు శాప్ కార్యాలయానికి వచ్చిన వారిలో అధిక శాతం మంది రౌడీషీటర్లు, బ్లేడ్ బ్యాచ్ మరియు పొక్సో కేసుల నిందితులే ఉన్నారని తెలుగు దేశం పార్టీ తీవ్రంగా ఆరోపించింది. ఈ మేరకు సామాజిక మాధ్యమం ఎక్స్ వేదికగా ఆ పార్టీ అధికారిక ఖాతా ద్వారా కీలక వివరాలను వెల్లడించింది. ఉపాధ్యాయులపై జరుగుతున్న దాడులను తీవ్రంగా ఖండిస్తూ, నిందితులపై తక్షణమే కఠిన చర్యలు తీసుకోవాలని ఆ పార్టీ డిమాండ్ చేసింది.