జమ్మూకశ్మీర్ లో వైద్య విద్యార్థుల సమ్మె తాత్కాలిక వాయిదా

రిపోర్టర్: మహేష్ స్థలం: జమ్మూ మరియు కాశ్మీర్ 2026-09-09

జమ్మూకశ్మీర్‌లో ఎంబీబీఎస్ ఇంటర్న్‌లు తమ నిరసనను నెల రోజుల పాటు తాత్కాలికంగా వాయిదా వేశారు. వైద్య విద్యార్థుల నెలవారీ స్టైపెండ్‌ను రూ.12,300 నుంచి రూ.30,000కి పెంచుతామని ఆరోగ్య మంత్రి సకీనా ఇటూ హామీ ఇవ్వడంతో ఇంటర్న్‌లు ఈ నిర్ణయం తీసుకున్నారు. అయితే, ప్రభుత్వం ఇచ్చిన గడువులోగా అధికారిక ఉత్తర్వులు వెలువడకపోతే ఆందోళన పునరుద్ధరిస్తామని హెచ్చరించారు.