నిలోఫర్ ఆసుపత్రి టెండర్ల అక్రమాలపై ఇంటెలిజెన్స్ గుట్టురట్టు: సమగ్ర నివేదిక
రిపోర్టర్: విజయ్
స్థలం: Hyderabad
హైదరాబాద్ లోని నిలోఫర్ ఆసుపత్రిలో సాగుతున్న కోట్ల రూపాయల కొటేషన్ల దందాపై ఇంటెలిజెన్స్ వర్గాలు తీవ్రంగా దృష్టి సారించినట్లు ప్రభుత్వ ఉన్నత వర్గాలు స్పష్టం చేశాయి. ఆసుపత్రిలో టెండర్ల నిబంధనలను ఉల్లంఘించి అత్యవసరం పేరుతో సాగిస్తున్న అక్రమ కొనుగోళ్లపై క్షేత్రస్థాయి విచారణ జరిపి పక్కా ఆధారాలతో సమగ్ర నివేదిక సిద్ధం చేసినట్లు ఇంటెలిజెన్స్ అధికారులు వెల్లడించారు. తప్పు చేసిన ఏ ఒక్కరినీ ఉపేక్షించే ప్రసక్తే లేదని, బాధ్యులైన అధికారులపై త్వరలోనే కఠిన వేటు వేయడానికి సర్కారు సమాయత్తమవుతున్నదని తెలిపారు.