రోహిత్ శర్మ విరాట్ కోహ్లీ భారత క్రికెట్ కోహినూర్ వజ్రాలు అంటూ చేతన్ శర్మ వ్యాఖ్య
రిపోర్టర్: సతీష్
స్థలం: India
టీమిండియా సీనియర్ ఆటగాళ్లు రోహిత్ శర్మ, విరాట్ కోహ్లీల వన్డే భవిష్యత్తుపై వస్తున్న ఊహాగానాల నేపథ్యంలో మాజీ చీఫ్ సెలెక్టర్ చేతన్ శర్మ స్పందించారు. వారు భారత క్రికెట్‌కు దొరికిన కోహినూర్ వజ్రాలు లాంటివారంటూ కొనియాడారు. వయస్సు అనేది కేవలం ఒక నంబర్ మాత్రమేనని, వారు ఫిట్‌గా ఉండి రాణిస్తున్నప్పుడు వయస్సుతో పనేంటని ఆయన ప్రశ్నించారు. రోహిత్ శర్మ, విరాట్ కోహ్లీలు రాబోయే 2027 వన్డే ప్రపంచకప్‌లో ఆడేందుకు బలమైన అర్హత కలిగి ఉన్నారని చేతన్ శర్మ గట్టిగా మద్దతు పలికారు.