విద్యార్థులకు భారీ ఊరట: పదో తరగతిలో రెండు బోర్డు పరీక్షలు
రిపోర్టర్: సతీష్
స్థలం: అజ్మీర్
రాజస్థాన్లో పదో తరగతి విద్యార్థులపై పరీక్షల భారాన్ని తగ్గించే లక్ష్యంతో విద్యాశాఖ కీలక నిర్ణయం తీసుకున్నట్లు ఆ రాష్ట్ర మంత్రి మదన్ దిలావర్ తెలిపారు. రెండుసార్లు బోర్డు పరీక్షలను నిర్వహించనున్నట్లు స్పష్టం చేశారు. తొలి పరీక్షలో అర్హత సాధించిన విద్యార్థులు మార్కులు మెరుగుపరుచుకునేందుకు రెండో పరీక్ష రాసే అవకాశం ఉంటుందని అధికారులు వెల్లడించారు. ఈ సరికొత్త విధానం ద్వారా విద్యార్థుల్లో ఒత్తిడి తగ్గి, భవిష్యత్తుకు భరోసా లభిస్తుందని విశ్లేషకులు పేర్కొన్నారు.