బెల్లంపల్లిలో కట్ట సత్యనారాయణకు స్వర్ణకారుల ఘన నివాళి

రిపోర్టర్: ramesh chitty స్థలం: బెల్లంపల్లి 2026-09-05

అఖిల భారత స్వర్ణకార సంఘం ఉపాధ్యక్షుడు, తెలంగాణ రాష్ట్ర స్వర్ణకార సంఘ గౌరవ అధ్యక్షుడు కట్ట సత్యనారాయణ మృతి పట్ల బెల్లంపల్లి స్వర్ణకార సంఘం సంతాపం వ్యక్తం చేసింది. శనివారం పట్టణంలోని సంఘ కార్యాలయంలో ఆయన చిత్రపటానికి పూలమాలలు వేసి నివాళులర్పించారు.

ఈ సందర్భంగా సంఘ ప్రతినిధులు సత్యనారాయణ సేవలను స్మరించుకుంటూ రెండు నిమిషాల పాటు మౌనం పాటించారు. ఆయన ఆత్మకు శాంతి చేకూరాలని భగవంతుని ప్రార్థించారు. ఈ కార్యక్రమంలో దేవరకొండ మనోహర చారి, రంగు ఉపేంద్ర చారి, గడ్డం శ్రీనివాస్ తదితరులు పాల్గొన్నారు.