ది మిస్ గ్లోబ్ ఇండియా కిరీటాన్ని కైవసం చేసుకున్న నిహారిక రాథోడ్
రిపోర్టర్: సురేష్
స్థలం: జైపూర్
పింక్ సిటీ జైపూర్కు చెందిన నిహారిక రాథోడ్ ప్రతిష్టాత్మక ది మిస్ గ్లోబ్ ఇండియా కిరీటాన్ని కైవసం చేసుకున్నారు. త్వరలో థాయిలాండ్లోని పుకెట్లో జరగనున్న అంతర్జాతీయ ది మిస్ గ్లోబ్ అందాల పోటీల్లో భారతదేశం తరఫున ఆమె ప్రాతినిధ్యం వహించనున్నారు. రాజస్థాన్ నుంచి ఈ పోటీల్లో పాల్గొంటున్న తొలి కంటెస్టెంట్ నిహారికనే కావడం విశేషం. మిస్ ఫ్యూజన్ ఇండియా ప్లాట్ఫామ్ ద్వారా ఆమె ఈ ఘనత సాధించినట్లు నిర్వాహకులు బుధవారం అధికారికంగా వెల్లడించారు.