ఇండో-మయన్మార్ సరిహద్దులో నాగాల భద్రతపై కేంద్రానికి విద్యార్థి సంఘం హెచ్చరిక
రిపోర్టర్: రాజేష్
స్థలం: ఇంఫాల్
మణిపూర్ లోని ఇండో-మయన్మార్ సరిహద్దు ప్రాంతాలలో నివసిస్తున్న నాగ పౌరుల రక్షణను విస్మరిస్తే చైనా వంటి పొరుగు దేశాల సహాయం కోరవలసి వస్తుందని సదరన్ టంగ్ఖుల్ స్టూడెంట్స్ యూనియన్ అధ్యక్షుడు యార్చూసో కాషుంగ్ తీవ్రంగా హెచ్చరించారు. ఇంఫాల్ లో జరిగిన మీడియా సమావేశంలో ఆయన మాట్లాడుతూ, రాష్ట్ర ప్రజలను రక్షించడంలో ముఖ్యమంత్రి విఫలమైతే పదవికి వెంటనే రాజీనామా చేయాలని డిమాండ్ చేశారు. సరిహద్దు ప్రాంతాల ప్రజలపై జరుగుతున్న హత్యలను అరికట్టడంలో కేంద్ర, రాష్ట్ర ప్రభుత్వాలు పూర్తిగా విఫలమయ్యాయని ఆయన తీవ్ర ఆవేదన వ్యక్తం చేశారు.