చిన్నారుల చేతుల మీదుగా సిద్ధార్థ నగర్ లో వినాయక ప్రతిష్ట

రిపోర్టర్: kadambari suhasini స్థలం: గాజువాక 2026-09-14

విశాఖపట్నం జిల్లా గాజువాక పరిధిలోని 87వ వార్డు సిద్ధార్థ నగర్ కాలనీలో చిన్నారులు తమ హుండీ దాచుకున్న సొమ్ముతో వినాయక విగ్రహాన్ని కొనుగోలు చేశారు. తమ సామర్థ్యం మేరకు పూజా, డెకరేషన్ సామాగ్రి సమకూర్చి విగ్రహాన్ని ప్రతిష్టించి భక్తిశ్రద్ధలతో పూజలు నిర్వహిస్తున్నారు. ఈ సాయంత్రం రెండు కిలోల లడ్డు ప్రసాదానికి వేలంపాట నిర్వహిస్తామని పిల్లలు తెలిపారు. కాలనీ పెద్దలు బలిరెడ్డి నాగేశ్వర రావు, గణపతి మాస్టర్, సత్యనారాయణ, మోహన్ రావు, లక్ష్మి తదితరులు చిన్నారుల స్ఫూర్తిని ప్రశంసించి అభినందించారు.