'గ్రామపంచాయతీ స్థలాలను ఆక్రమిస్తే కఠిన చర్యలు': డీఎల్పీఓ సురేందర్

రిపోర్టర్: సతీష్ స్థలం: కామారెడ్డి జిల్లా 2026-09-17

నాగిరెడ్డిపేట మండల కేంద్రంలోని గోపాల్‌పేట్ గ్రామపంచాయతీ పరిధిలో గల ఖాళీ స్థలాలను బుధవారం డివిజనల్ పంచాయతీ అధికారి సురేందర్ పరిశీలించారు. సర్వే నంబర్ 498లోని సుమారు 1.20 గుంటల భూమిలో పంచాయతీకి చెందిన స్థలంగా హెచ్చరిక బోర్డును ఏర్పాటు చేశారు. ఈ స్థలాలను కొలతలు వేసి, బహిరంగ వేలం ద్వారా అద్దెకు ఇచ్చి వచ్చే ఆదాయాన్ని గ్రామాభివృద్ధికి వినియోగిస్తామని, ఎవరైనా ఆక్రమిస్తే కఠిన చర్యలు ఉంటాయని ఆయన హెచ్చరించారు. ఈ కార్యక్రమంలో సర్పంచ్ వంశీకృష్ణ గౌడ్, ఉప సర్పంచ్ గులాం హుస్సేన్, పంచాయతీ కార్యదర్శి సలీం పాల్గొన్నారు.