ఫరీదాబాద్లో దారుణం: బాలికపై సామూహిక అత్యాచారానికి పాల్పడిన నలుగురు వ్యక్తులు
రిపోర్టర్: సునీల్
స్థలం: ఫరీదాబాద్
హర్యానాలోని ఫరీదాబాద్లో పదమూడేళ్ల బాలికపై నలుగురు వ్యక్తులు సామూహిక అత్యాచారానికి పాల్పడినట్లు పోలీసులు తెలిపారు. ఆగస్టు ఇరవై నాల్గవ తేదీన స్నేహితుడితో కలిసి వాకింగ్కు వెళ్లిన సమయంలో ఈ అఘాయిత్యం జరిగినట్లు అధికారులు పేర్కొన్నారు. నిర్మానుష్య భవనంలోకి బలవంతంగా తీసుకెళ్లి దారుణానికి ఒడిగట్టారని, భయంతో బాలిక విషయాన్ని దాచిపెట్టిందని వెల్లడించారు. బాధితురాలి తల్లి ఇచ్చిన ఫిర్యాదు మేరకు కేసు నమోదు చేసి, ముగ్గురు నిందితులను అరెస్టు చేసినట్లు పోలీసులు స్పష్టం చేశారు.