నామినేషన్లను అడ్డుకోవడంపై చంద్రబాబు సర్కార్ తీరును నిలదీసిన వైఎస్ జగన్
రిపోర్టర్: రమేష్
స్థలం: అమరావతి
ఆంధ్రప్రదేశ్ మున్సిపల్ ఎన్నికల నామినేషన్ల ప్రక్రియలో తలెత్తిన ఉద్రిక్తతలపై వైఎస్సార్సీపీ అధినేత వైఎస్ జగన్ మోహన్ రెడ్డి తీవ్రస్థాయిలో మండిపడ్డారు. ముఖ్యమంత్రి చంద్రబాబు నాయుడికి నిజంగా ప్రజా మద్దతు ఉంటే వైఎస్సార్సీపీ అభ్యర్థులను నామినేషన్లు వేయకుండా ఎందుకు అడ్డుకుంటున్నారని ఆయన నిలదీశారు. రాష్ట్రంలో పక్షపాత ధోరణితో వ్యవహరిస్తున్న పోలీసులు, అధికారులు అధికార టీడీపీ నాయకులకు పూర్తిగా సహకరిస్తున్నారని ఆరోపించారు. ఎన్నికలను ప్రశాంతంగా నిర్వహించే ధైర్యం చంద్రబాబుకు లేదని వైఎస్ జగన్ స్పష్టం చేశారు.