తెలంగాణలో ఉలిక్కిపడే నిజాలు: భారీగా పడిపోతున్న భూగర్భ జలమట్టాలు
రిపోర్టర్: రాజేష్
స్థలం: తెలంగాణ
తెలంగాణ రాష్ట్రంలో భూగర్భ జలమట్టం వేగంగా పడిపోతుండటం తీవ్ర ఆందోళన కలిగిస్తోందని రాష్ట్ర భూగర్భ జల వనరుల శాఖ రిపోర్టు వెల్లడించింది. లోటు వర్షపాతం కారణంగా భూగర్భంలోకి నీరు ఇంకే శాతం గణనీయంగా తగ్గింది. తాగు, సాగునీటి అవసరాల కోసం బోరుబావులపై ఆధారపడటం విపరీతంగా పెరగడంతో ఈ పరిస్థితి తలెత్తిందని అధికారులు తెలిపారు. వికారాబాద్ జిల్లాలో అత్యధికంగా 13.54 మీటర్ల లోతులో జలమట్టం నమోదైంది.