ఎన్నికల వేళ సున్నిత ప్రాంతాల్లో అధికారుల తనిఖీలు: పటిష్ట బందోబస్తుకు ప్రణాళిక
రిపోర్టర్: నరేష్
స్థలం: నెల్లూరు
సర్వేపల్లి నియోజకవర్గంలో ఎన్నికల నేపథ్యంలో అధికారులు సున్నిత గ్రామాలు, పోలింగ్ కేంద్రాలను క్షేత్రస్థాయిలో పరిశీలించారు. తహసీల్దారు విజయ్, సర్కిల్ ఇన్స్పెక్టర్ అరుణ్, ఎంపీడీవో కల్పన సంయుక్తంగా వివిధ గ్రామాల్లో పర్యటించి ప్రాథమిక వసతులపై ఆరా తీశారు. పోలింగ్ కేంద్రాల్లో విద్యుత్, తాగునీరు వంటి సౌకర్యాలను పరిశీలించి తగిన ఏర్పాట్లు చేశారు. ఎలాంటి అవాంఛనీయ ఘటనలు జరగకుండా పటిష్టమైన బందోబస్తు ప్రణాళికను రూపొందించినట్లు అధికారులు స్పష్టం చేశారు.