యాదాద్రి థర్మల్ పవర్ స్టేషన్‌కు బొగ్గు రవాణా పెంచాలని సింగరేణి సీఎండీ ఆదేశం
రిపోర్టర్: హరి
స్థలం: తెలంగాణ
రాష్ట్రంలో విద్యుత్ అవసరాలను దృష్టిలో ఉంచుకుని బొగ్గు ఉత్పత్తి, సరఫరాను పెంచాలని సింగరేణి కాలరీస్ కంపెనీ సీఎండీ డాక్టర్ బుద్ధప్రకాష్ జ్యోతి అధికారులను ఆదేశించారు. ఒడిశాలోని నైనీ గని నుంచి యాదాద్రి థర్మల్ పవర్ స్టేషన్‌కు రోజువారీ బొగ్గు రవాణాను ప్రస్తుతమున్న రెండు వేల నూట టన్నుల నుంచి పది వేల నుంచి పద్నాలుగు వేల టన్నులకు పెంచాలని స్పష్టం చేశారు. ఎల్‌నినో పరిస్థితుల నేపథ్యంలో థర్మల్ విద్యుత్ కేంద్రాలకు ఎలాంటి కొరత రాకుండా ముందస్తు చర్యలు చేపట్టాలని ఏరియా జనరల్ మేనేజర్లకు సూచించారు.