అంతర్జాతీయ సరిహద్దు వద్ద కలకలం: ఇద్దరు పాక్ చొరబాటుదారులు హతం
రిపోర్టర్: సురేష్
స్థలం: తార్న్ తారన్
పంజాబ్లోని తార్న్ తారన్ సెక్టార్లో భారత్-పాక్ అంతర్జాతీయ సరిహద్దు వద్ద ఇద్దరు పాకిస్థానీ చొరబాటుదారులను బీఎస్ఎఫ్ జవాన్లు కాల్చి చంపినట్లు అధికారులు తెలిపారు. రాజోకే గ్రామం సమీపంలో భారత భూభాగంలోకి అక్రమంగా ప్రవేశించేందుకు యత్నించిన వారిని పెట్రోలింగ్ బృందం గుర్తించి హెచ్చరించింది. హెచ్చరికలను బేఖాతరు చేస్తూ ముందుకు దూసుకొచ్చిన దుండగులపై జవాన్లు జరిపిన ఎదురుకాల్పుల్లో ఇద్దరూ అక్కడికక్కడే మరణించారు. ఈ ఘటనతో సరిహద్దు వెంబడి భద్రతను మరింత కట్టుదిట్టం చేసి ముమ్మరంగా తనిఖీలు చేపట్టారు.