సీఈసీ, ఈసీల చట్ట రక్షణ నిబంధనపై సుప్రీంకోర్టు విచారణ: కేంద్రానికి నోటీసులు
రిపోర్టర్: అశోక్
స్థలం: న్యూఢిల్లీ
ప్రధాన ఎన్నికల కమిషనర్ మరియు ఇతర ఎన్నికల కమిషనర్లకు చట్టపరమైన చర్యల నుంచి లభిస్తున్న సంపూర్ణ రక్షణ నిబంధన రాజ్యాంగ బద్ధతను సవాల్ చేస్తూ దాఖలైన పిటిషన్లపై సుప్రీంకోర్టు విచారణ చేపట్టింది. ఈ మేరకు కేంద్ర ప్రభుత్వానికి, భారత ఎన్నికల సంఘానికి నోటీసులు జారీ చేసిన ధర్మాసనం నాలుగు వారాల్లోగా స్పందన తెలియజేయాలని ఆదేశించింది. ఆర్జేడీ ఎంపీ మనోజ్ ఝా, సామాజిక కార్యకర్త అరుణ్ అగ్రవాల్ ఈ పిటిషన్లు దాఖలు చేసినట్లు న్యాయస్థానం తెలిపింది.