శరన్నవరాత్రుల్లో ఐదో రోజు వైభవంగా శ్రీ లలితా పంచమి వేడుకలు
రిపోర్టర్: రమేష్
స్థలం: విజయవాడ
శరన్నవరాత్రుల్లో భాగంగా ఐదో రోజు శ్రీ లలితా పంచమి పర్వదినాన్ని అత్యంత భక్తిశ్రద్ధలతో జరుపుకుంటున్నట్లు అర్చకులు తెలిపారు. ఈ పవిత్ర దినాన బెజవాడ కనకదుర్గమ్మ అమ్మవారు లలితా త్రిపుర సుందరీ దేవిగా భక్తులకు దివ్యదర్శనమిస్తున్నారని వెల్లడించారు. ఆశ్వయుజ శుద్ధ పంచమి నాడు భక్తులు అమ్మవారిని ప్రత్యేకంగా పూజిస్తూ లలితా సహస్రనామ పారాయణలు చేస్తున్నారని, దీనివల్ల సకల శుభాలు కలుగుతాయని పంచాంగ కర్తలు స్పష్టం చేశారు.