గుండె ఆరోగ్యాన్ని కాపాడుకోవడానికి కీలక సూచనలు చేసిన డాక్టర్ అశోక్ సేథ్
రిపోర్టర్: విజయ్
స్థలం: తెలంగాణ
యువతలోనూ గుండెపోటు ముప్పు పెరుగుతున్న నేపథ్యంలో గుండె ఆరోగ్యాన్ని కాపాడుకోవడానికి పాటించాల్సిన పద్ధతులపై ప్రముఖ హృద్రోగ నిపుణులు డాక్టర్ అశోక్ సేథ్ కీలక సూచనలు చేశారు. ఢిల్లీలోని ఫోర్టిస్ ఎస్కార్ట్స్ హార్ట్ ఇన్స్టిట్యూట్ ఛైర్మన్ అయిన ఆయన, దైనందిన జీవితంలో చిన్నపాటి మార్పులు చేసుకోవడం ద్వారా ప్రాణాంతక గుండె జబ్బులను ముందస్తుగా నివారించవచ్చని వెల్లడించారు. క్రమమైన వైద్య పరీక్షలు చేయించుకోవడం, వ్యాయామ శైలిని మార్చుకోవడం, ఆహారపు అలవాట్లను మెరుగుపరచుకోవడం చాలా ముఖ్యమని ఆయన స్పష్టం చేశారు.